The Year 2025 in Late Cornish

De Gwener, üdnegves warn ügens mis Hedra Friday, 31st October Nos Calan Gwav lôwen dhe whei! Po martesen my a dal leverel Nos "Allan" dhe whei. En termyn eus passyes thera Marhajow Allan en Kernow ken diwedh mis Hedra. Tüs alja perna Avalow Allan - avalow brâs ha wheg, avel royow rag fortyn da.   Happy Halloween to you! Or perhaps I should say Happy Allan Night to you. In the past there were Allan Markets in Cornwall before the end of October. People could buy Allan Apples - big, sweet apples, as gifts for good fortune.

De Yow, degves warn ügens mis Hedra Thursday, 30th October Emesk oll an delkyow marow kidnyadh e'n lowarth, ma nebes flourys sevy ow pedery dr'ew gwenton! Pemp petal pur perfydh. Among all the dead leaves of autumn in the garden, some wild strawberry flowers are thinking that it's spring! Five perfect pure petals.

De Merher, nawes warn ügens mis Hedra Wednesday, 29th October Green Cornwall Pandr'ew an cottha ger e'n tavas Kernôwek? What is the oldest word in the Cornish language?  ‘ Glas ’ must be a contender. Perhaps you have been to Newquay’s LUSTY GLAZE Beach, ( Lostyn Glas ) ‘a little green tail of land’. It is one of several places with ‘glaze’ or ‘glas’ in their name. On land this means the ‘green’ of plants. PENTIREGLAZE or PENTIRE GLAZE ( Pentir Glas ), whether it is part of a scenic walk or an old silver-lead mine, is a ‘green promontory’. The oldest names include ELLENGLAZE ( Elin Glas ), Elynglas in 1302, meaning ‘green Elin’. Elin   is thought to be a stream name meaning ‘bend’. CANAGLAZE ( Carn Glas ), Caringlaze in 1671, is a ‘green tor’. Another green/grey tor ( Carn Glas ) is CARNCLAZE. When applied to the sea, or other bodies of water, it can also mean ‘blue/grey’. Clay Country gives us ‘green/blue pool’, e.g. among others POLGLAZE (St Austell)  Polglas  in 12...

   2025 Dedh Trei Hans ha Wonan De Meurth, ethves warn ügens mis Hedra Tuesday, 28th October Dhort an dor nei ell gweles an cloudys e'n eborn, saw na ellen nei gweles radn brâs a'n tir. Ma lies lòren e'n brâster. Anjei ell gweres dhen dhe weles pednow an cloudys ha moy a'n tir. Terweythyow ma commol scant, ha tir ha mor ew apert der an cloudys. Terwethyow thew an cloud pur dhown, ha ma hager awel en dadn. Nei ell gweles gwens troyllya. Dadn an poster ma gwenjow crev ha glaw - anjei a wra shyndya. Bes e'n cres ma "lagas an enawel" còsel. From the ground we can see the clouds in the sky, but we can't see a large part of the land. There are lots of artificial satellites in outer space. They can help us to see cloud tops and  more of the land. Sometimes there is sparse cloud, and land and sea are obvious through the clouds. Sometimes the cloud is very deep, and there is dreadful weather underneath. We can see a whirlwind. Under the thundercloud there are s...

De Lün, seythves warn ügens mis Hedra Monday, 27th October Thera lies pompyon e'n lowarth agan kentrevogyon. Rag fra thera mar lies? Na alja nagonan aga debry oll!  Ma Nos Calan Gwav ow tos. Anjei a aras dew bompyon war agan vos. Pur lôwen o an maw bian. Gen kellyl ha lew nei alja côwa pompyon ha trehy bejeth gen ganow ow crysla. Lebmyn ma othom dhodho a gantol.   There were a lot of pumpkins in our neighbours' garden. Why were there so many? Nobody could eat them all!  Halloween is coming. They left two pumpkins on our wall. The little boy was very happy. With knives and spoons we could hollow out a pumpkin and cut a face with a grinning mouth. Now it needs a candle. Nebes geryow  Some words bejeth  (f)  face cantol  (m)  candle ( c>g  after  a  of ) côwa  to hollow out, excavate   (SWFMm  kowa ) debry   to eat  (SWFMm  dybri ) ganow  (m)  mouth  gara  to leave >  (p...

De Sül, wheffes warn ügens mis Hedra Sunday, 26th October "My a venja scrifa whedhel rag ow mabm. Hy fednbloodh ew. My a vedn gwil lever ragty," emedh an maw bian. "Ha ma odhom dhebm a pictour rag forel. Ellesta tedna bleydh owth oulya?" Nei a whilas e'n kesrosweyth rag ymach ew da ganjo. Nag eus enk et ow argraffer.  Na veu whans dhebm a ûsya paynt, etho nei a gavas paper liwys, gweljow bian ha glüs.  Trei liw a wras pictour - melyn rag an loor leun, blou rag an eborn nos ha dû rag an bleydh ha rag gwedhen ha carrick. Nei a wras tiger rüdhvelyn ha dû ewedh. I'd like to write a story for my mum. It's her birthday. I want to make a book for her," said the little boy. "And I need a picture for a cover. Can you draw a howling wolf?" We searched of the internet for an image he liked. There is no ink in my printer. I did not want to used paint, so we found coloured paper, little scissors and glue. Three colours made a picture - yellow for the f...

De Sadorn, pempes warn ügens mis Hedra Saturday, 25th October Ma son nowydh et agan chei. Ma'n maw bian ow tesky seny an trompet. Martesen ev alja bos trompour. An hirgorn ew gwres a vrest. A venja an maw bos esel band bres? Po martesen gwell via ganjo seny en orchestra po band jazz. Ew trompet gwell avel crowd po gitar? Nag eus kerdyn dhe'n trompet, etho nag eus othom a acordya an son puppres.  There's a new sound in our house. The little boy is learning to play the trumpet. Perhaps he could be a trumpeter. The long horn is made of brass. Would the boy like to be a brass band member. Or perhaps he would prefer to play in an orchestra or jazz band. Is a trumpet better than a violin or guitar? The trumpet doesn't have strings, so there is no need of constant tuning.

De Gwener, pajwora warn ügens mis Hedra Friday, 24th October De Sadorn, nei eth dhe'n vedhegva rag agan pigow breghlin. Ma esperans dhebm na vedh an flou warnam e'n gwav. E'n gwettha pres, my a gawas annes kebmyn dhort oll an düs. Etho, drog branja, drog scovarn, pâs, striwy, lev pecar'a qwilkyn, heb nerth, saw heb febyr.  On Saturday, we went to the doctor's surgery for our vaccinations. I hope I won't be getting flu in the winter. Unfortunately, I have caught a common cold from all the people. So, sore throat, earache, sneezing, voice like a frog, no energy, but no fever.

De Yow, tryja warn ügens mis Hedra Thursday, 23rd October My a glowas an gwens ha'n glaw  Enawel Benjamin dres an nos. Kernow ha Pow Densher, an dhew, o tòchys gen an hager awel.  Ha lebmyn ma whath cowasow a law ha lies cowas a wens e'n gwedh. Ha ma plodnow dowr brâs e'n vôwnder. Ma delyow marow war an dor, bes nag ens oll codhys dhort an gwedh, na whath. I heard the wind and the rain of Storm Benjamin throughout the night. Cornwall and Devon were both affected by the storm. And now there are still showers of rain and many gusts of wind in the trees. And there are big puddles of water in the lane. There are dead leaves on the ground, but they are not all fallen from the trees, not yet. Gerva hedhyw  Today's vocabulary an dhew  both a glowas  heard <  vb  clowes codhys  fallen <  vb  codha cowasow a law  showers of rain < glaw  rain cowas wens ~ cowas a wens  (f)  gust of wind  delyow ~ delkyow ~ del mar...

De Merher, nessa warn ügens mis Hedra Wednesday, 22nd October Pandr'ero whei ow cül en cas tickly? What do you do in a tricky situation? Hemm ew an kensa radn dhort gwary aventur dhe wary war jynn-amontya. Fatel ero whei owth omdhegy mars kellys owgh en forest down leun a hager bòckyes? Eus cledha dhewgh?   This is the first part from an adventure game to play on a computer. How do you behave if you are lost in a deep forest full of nasty goblins? Do you have a sword? Otta chy en forest down. Ow terlentry, der an gwedh oll a-dro, thesta ow qweles an gòlow rüdh godrosek a vil lagas, ow mires orthes. Bòckyes! Thesta ow hedhes dha dhorn dhe'th grügys cledha, bes gwag ew an woon. Pandra wreta?! Scrif dha worthyp a-barth wòles... What will you do? Write your answer below ... Otta nebes geryow. Pandr’ew an gwelha dhe scrifa rag dürya e'n gwary? Here are some words. What are the best to write to survive in the game? clamdera  faint, swoon crambla  c...

De Meurth, kensa warn ügens mis Hedra Tuesday, 21st October E'n mettin a-varr, wòja an glaw poos e'n nos, thera lagas en ebòrn. Na wrüg ev dürya oll an jedh. Bes hir lowr o rag helghya! Üjy an gwywer ow whilas mesen dadn an dherowen vian? Nag ew an kei dû ma gwylter, bes da ew ganjo chassya gwyweres. Na berthowgh own a hedna; gwyweres ew re üskis, ha anjei ell crambla gwedh ha gwelydny hir. Na ell ow hei gwil hedna. In the early morning, after the heavy rain in the night, there was a patch of blue sky. It did not last the whole day. But it was long enough for hunting! Is the squirrel looking for an acorn under the little oaktree? This black dog is not a hunting dog, but it likes to chase squirrels. Do not worry about that; squirrels are too fast, and they can climb trees and tall poles. My dog cannot do that.

De Lün, ügensves mis Hedra Monday, 20th October Ma trei dedh moy a arwòdh Zodiak 'an Vantol'. Genys veu ow ownter an moyha meurgerys dadn sin an Vantol. Ero whei ow crejy e'n ster ha'n stergelgh? Nag oma steronydh (na astronymer) bes ev o den an Vantol 'warlergh an kind'. Pur wheg o va. Na wrüg ev besca nakevy ow fednbloodh. Codnyk o ev. Ev a wör clappya Almaynek pur dha. (Teylû y wreg a veu dhort Pow Swiss.) Mûsical o va - canor. En gwary cân 'Guys and Dolls' ev wrüg degy tabour brâs ha browy y geyn.   There are three more days of the Zodiac sign 'Libra'. My favourite uncle was born under the sign of Libra. Do you believe in the stars and the zodiac? I am not an astrologer (nor an astronomer) but he was a 'typical' Libran. He was very kind. He never forgot my birthday. He was intelligent. He could speak very good German. (His wife's family had been from Switzerland.) He was musical - a singer. In the musical 'Guys and Dolls' ...

De Sül, nawnjegves mis Hedra Sunday, 19th October Otta Coos Melinjy, reb an vorr, tredh Melinjy ha ryver bian ow resek war tûa Ty war'n Heyl. Coos pur goth ewa, gen lies helygen cüdhys gen kewny, ha prysk ha dreys.  Nag ew an helyk ûsys rag gwil canstellow helyk na velha, bes  saw ew an coos.  Dowrek ew an dor, rag hedna nag ewa vas rag byldya. Ma remenat a neppeth aral reb an vorr ogas dhe'n coos, henn ew jarns ha ascor cider. Ma lies aval war an vorr; nag eus nagonan dhe wil an cider. Soweth! Here's Bolingey Wood, beside the road, between Bolingey and a little river running towards Perranporth. It's a very old wood, with lots of lichen-covered willow trees, and scrub and brambles. The willow is no longer used to make wicker baskets, but  the wood is safe.  The ground is boggy, so it is not suitable for building. There's the remains of something else by the road near the wood, i.e. orchards and cider production. There are lots of apples on the road; there is no...

De Sadorn, etegves mis Hedra Saturday, 18th October Puppres thew agan treth teg, morlanow po trig po tredh an dhew. Res veu dhen mos dhe'n vedhegva rag agan pigow breghlin ken gwav. Thew kidnyadh, nag ew hav, bes ma whath lies person war an treth. Mons ow kerdhes, gen po heb kei, ha ma marrak ha marhoges. Nag eus lies morplaynyer na lies neyjer, bes whath ma gwithyjy treth. Bes nag eus nagonan ow sedha war dreth gleb. Nag eus chayr treth, strayl croust na towel dhe vos gwelys. Mar venja whei bos sedhys, ma tavern, chei coffy ha boosty. Our beach is always lovely, at hightide or low tide or between the two. We had to go to the surgery for our vaccinations before winter. It is autumn, it's not summer, but there are still many people on the beach. They are walking, with or without a dog, and there's a horseman and a horsewoman. There are not a lot of surfers or a lot of swimmers, but there are still beachguards. But there is nobody sitting on wet sand. There's not a deckch...